ဗီတာမင် E ဟာ ဆီမှာ ပျော်ဝင်တဲ့ ဗီတာမင်အမျိုးအစားဖြစ်ပါတယ်။ ဒီဗီတာမင်က ကျွန်မတို့ရဲ့ အသားအရေ၊ မျက်စိကျန်းမာရေး၊ ကိုယ်ခံအားစနစ်နဲ့ ဆဲလ်တွေကို ဓာတ်တိုးမှု ကနေ ကာကွယ်ပေးဖို့ အရေးပါတဲ့ အာဟာရဓာတ်တစ်မျိုးပါ။

​

          •         ဗီတာမင် E ကို ခန္ဓာကိုယ်က ထုတ်လုပ်နိုင်သလား?

ဗီတာမင် E ကို ကျွန်မတို့ရဲ့ ခန္ဓာကိုယ်က သူ့ဘာသာသူ ထုတ်လုပ်နိုင်စွမ်း မရှိပါဘူး။ ဒါကြောင့် ဒီဗီတာမင်ကို အစားအစာတွေကနေ မဖြစ်မနေ ရယူဖို့ လိုအပ်ပါတယ်။

​

          •         ဗီတာမင် E ကို ခန္ဓာကိုယ်မှာ သိုလှောင်ထားနိုင်သလား?

ဗီတာမင် E ဟာ ဆီမှာပျော်ဝင်တဲ့ ဗီတာမင်ဖြစ်တာကြောင့် ခန္ဓာကိုယ်ထဲမှာ အဓိကအား ဖြင့် အသည်းနဲ့ အဆီတစ်သျှူးတွေမှာ သိုလှောင်ထားနိုင်ပါတယ်။ ဒါကြောင့် နေ့တိုင်း စားသုံးမှု မလိုပေမယ့် မျှတစွာ ရရှိအောင် ထိန်းညှိဖို့ လိုပါတယ်။

​

          •         ဗီတာမင် E ချို့တဲ့လျှင် ကြုံတွေ့ရမယ့် ကျန်းမာရေးပြဿနာများ

ဗီတာမင် E ချို့တဲ့ရင် အာရုံကြောထိခိုက်တာ၊ လက်တွေခြေတွေထုံကျင်တာ၊ မျက်စိ အမြင်အာရုံချို့ယွင်းတာ၊ ကိုယ်ခံအားနည်းတာ၊ အသားအရေခြောက်သွေ့ပြီး အိုမင်းလွယ်တာ တွေ ဖြစ်လာနိုင်ပါတယ်။ ပိုဆိုးရင် သွေးအားနည်းတာ၊ ကြွက်သားအားနည်းတာတွေလည်း ဖြစ်တတ်ပါတယ်။ ဒါပေမယ့် ဒီဗီတာမင် ချို့တဲ့တာက အစားအစာကနေ ရတာများတာကြောင့် သိပ်မတွေ့ရတတ်ပါဘူး။

​

          •         ဗီတာမင် E ပိုလျှံလွန်းလျှင် ကြုံတွေ့ရမယ့် ကျန်းမာရေးပြဿနာများ

ဗီတာမင် E ကို များလွန်းအောင် စားသုံးမိရင် “ဟိုက်ပါဗီတာမီနိုးဆစ် E” (Hypervitaminosis E) လို့ခေါ်တဲ့ အခြေအနေ ဖြစ်လာနိုင်ပါတယ်။ ဒါကြောင့် သွေးထွက် လွယ်တာ (သွေးမခဲတာကြောင့်)၊ ဗိုက်အောင့်တာ၊ ဝမ်းလျှောတာ၊ ပင်ပန်းနွမ်းနယ်တာတွေ ဖြစ်လာနိုင်ပါတယ်။ ဒါက အစားအစာကနေ ပိုတာထက် ဓာတုဆေးတွေအလွန်အကျွံ သောက်မိ တဲ့အခါ ပိုဖြစ်တတ်ပါတယ်။

​

          •         ဗီတာမင် E ရရှိနိုင်တဲ့ သဘာဝအရင်းအမြစ်များ

ဗီတာမင် E ကို မြန်မာ့ဒေသခံ အစားအစာတွေကနေ လွယ်ကူစွာ ရယူနိုင်ပါတယ်။

 ဥပမာ -

          •         မြေပဲ (မုန့်ဖုတ်ထဲထည့်တာ၊ သုပ်စားတာတွေ လုပ်လို့ရတယ်)

          •         ထောပတ်သီး (သုပ်စားလည်းရတယ်၊ အချိုရည်လုပ်စားလည်းရတယ်)

          •         ဟင်းနုနွယ် (ဟင်းချိုချက်ရင် အလွယ်ရတယ်)

          •         နေကြာစေ့ (အဆာပြေ စားလို့ရတယ်၊ မုန့်ဖုတ်ထဲ ထည့်လို့ရတယ်)

          •         အုန်းဆီ (မြန်မာ့ရိုးရာ ချက်ပြုတ်မှုမှာ သုံးတယ်)

 

သဘာဝအရင်းအမြစ်က ရရှိတဲ့ ဗီတာမင် E နှင့် ဓာတုဆေး ဗီတာမင် E  ကွာခြားချက်

သဘာဝအစားအစာကနေရတဲ့ ဗီတာမင် E ဟာ ခန္ဓာကိုယ်က လိုအပ်သလောက် စုပ်ယူပြီး ပိုတာကိုထိန်းညှိပေးနိုင်စွမ်းရှိပါတယ်။

ဒါကြောင့် သဘာဝကနေ ရတဲ့ ဗီတာမင် E ဟာ ဘေးကင်းပြီး မျှတစွာ အကျိုးပေးပါတယ်။

ဒါပေမယ့် ဓာတုဆေးနဲ့ ဖြည့်စွမ်းထားတဲ့ ဗီတာမင် E ကို မလိုအပ်ဘဲ အလွန်အကျွံ သောက်မိရင် သွေးထွက်လွယ်တာ၊ ဗိုက်အောင့်တာ၊ ဝမ်းလျှောတာတွေ ဖြစ်လာနိုင်ပါတယ်။

ဒါကြောင့် ဆရာဝန်ညွှန်ကြားချက်မရှိဘဲ ဓာတုဆေးတွေ မသောက်ဘဲ သဘာဝအစားအစာကနေ ရယူတာကသာ အကောင်းဆုံးပါ။

​