ဗီတာမင် K ဟာ ဆီမှာပျော်ဝင်တဲ့ ဗီတာမင်အမျိုးအစားဖြစ်ပါတယ်။ ဒီဗီတာမင်က ကျွန်မတို့ရဲ့ သွေးခဲမှုကို ထိန်းညှိပေးတာ၊ အရိုးကျန်းမာရေးနဲ့ သွေးကြောကျန်းမာရေးအတွက် အရေးပါတဲ့ အာဟာရဓာတ်တစ်မျိုးပါ။

          •         ဗီတာမင် K ကို ခန္ဓာကိုယ်က ထုတ်လုပ်နိုင်သလား?

ဗီတာမင် K ကို ကျွန်မတို့ရဲ့ ခန္ဓာကိုယ်က အနည်းငယ် ထုတ်လုပ်နိုင်စွမ်းရှိပါတယ်။ အူထဲမှာ ရှိတဲ့ ဘက်တီးရီးယားတွေက ဗီတာမင် K (အထူးသဖြင့် K2 ပုံစံ) ကို ဖန်တီးပေးနိုင် ပေမယ့် ဒီပမာဏက လုံလောက်မှုမရှိတာကြောင့် အဓိကအားဖြင့် အစားအစာကနေ ရယူဖို့ လိုအပ်ပါတယ်။

          •         ဗီတာမင် K ကို ခန္ဓာကိုယ်မှာ သိုလှောင်ထားနိုင်သလား?

ဗီတာမင် K ဟာ ဆီမှာ ပျော်ဝင်တဲ့ ဗီတာမင်ဖြစ်တာကြောင့် ခန္ဓာကိုယ်ထဲမှာ အဓိကအား ဖြင့် အသည်းနဲ့ အဆီတစ်သျှူးတွေမှာ သိုလှောင်ထားနိုင်ပါတယ်။ ဒါပေမယ့် သိုလှောင်မှု ပမာဏက ဗီတာမင် D လောက် မများတာကြောင့် မျှတစွာ စားသုံးပေးဖို့ လိုပါတယ်။

          •         ဗီတာမင် K ချို့တဲ့လျှင် ကြုံတွေ့ရမယ့် ကျန်းမာရေးပြဿနာများ

ဗီတာမင် K ချို့တဲ့ရင် သွေးခဲမှု နှေးတာကြောင့် သွေးထွက်လွယ်တာ၊ အနာကျက်နှေး တာ၊ သွားဖုံးသွေးထွက်တာတွေ ဖြစ်လာနိုင်ပါတယ်။ အရိုးပွတာ (Osteoporosis) ဖြစ်နိုင်ခြေ များလာတာ၊ သွေးကြောထဲမှာ ကယ်လ်ဆီယမ် စုပုံလာတာတွေလည်း ဖြစ်တတ်ပါတယ်။ ဒါပေမယ့် ဒီဗီတာမင် ချို့တဲ့တာက အစားအစာကနေ ရတာများတာကြောင့် သိပ်မတွေ့ရ တတ်ပါဘူး။

ဗီတာမင် K ပိုလျှံလွန်းလျှင် ကြုံတွေ့ရမယ့် ကျန်းမာရေးပြဿနာများ

ဗီတာမင် K ကို သဘာဝအစားအစာကနေ ပိုလျှံတာက ခဲယဉ်းပြီး ဘေးထွက်ဆိုးကျိုး မဖြစ်တတ်ပါဘူး။ ဒါပေမယ့် ဓာတုဆေးတွေ အလွန်အကျွံ သောက်မိရင် သွေးခဲလွန်းတာ၊ ဗိုက်အောင့်တာ၊ အစာမကြေတာတွေ ဖြစ်လာနိုင်ပါတယ်။ ဒါက အစားအစာကနေ ပိုတာထက် ဓာတုဆေးတွေ မျှမတ သောက်မိတဲ့အခါ ပိုဖြစ်တတ်ပါတယ်။